Duket si ndër ato historitë që rëndom i gjejmë nëpër filma, por kjo është historia që ka përjetuar një shqiptar, i cili është zgjuar nga koma në momentin që familja është futur në dhomën e tij.
Një aksident i rëndë ishte bërë shkak që një shqiptar të qëndronte shtatë ditë në koma, dhe është çuar në momentin që familja e tij është futur në dhomën e tij, në spital.
Muharrem Vuçitërna, i njohur nga shoqëria e tij si Muki, ka pësuar aksidentin ditë më parë, në Shtetet e Bashkuara të Amerikës. Aksidenti ka ndodhur vetëm dy ditë para ditëlindjes së tij të 27-të .
Ai po merrte disa sende nga bagazhi i tij, ku nga pas është goditur nga një mjet që drejtohej prej një femre, ende të panjohur.
Për fat të keq, Muki vijon të jetë në gjendje të rëndë, pasi këmba e tij e cila u shtyp në përplasjen mes dy veturave, rrezikon të infektohet dhe ai pritet që t’u nënshtrohet së paku edhe 7 operacioneve, të cilët janë secili më i kushtueshëm se tjetri.
