Një aksident automobilistik me pasojë vdekjen e një personi ka ndodhur mesditën e sotme në Cakran të Fierit.
Mësohet se një person ka humbur kontrollin e automjetit, duke ka dalë nga rruga dhe për pasojë ka humbur jetën. Ngjarja ka ndodhur rreth orës 16:50.
”Sot rreth orës 16:50, një shtetas ende i paidentifikuar, duke drejtuar automjetin tip “Ford”, në aksin rrugor Cakran-Fier, ka humbur kontrollin duke ka dalë nga rruga dhe për pasojë ka humbur jetën.”, informon policia.
Në vendngjarje ndodhen shërbimet e policisë rrugore dhe po kryhen veprimet hetimore për zbardhjen e rrethanave të daljes nga rruga dhe identifikimin e viktimës.
