Një aksident i rëndë ka ndodhur mbrëmjen e sotme në rrugën rurale që lidh fshatrat Jakodinë dhe Bujqës në Elbasan, duke lënë të plagosur dy adoleshentë.
Automjeti tip Fiat, i drejtuar nga 21-vjeçari Gerald Sollaku, ka përplasur një biçikletë në të cilën ndodheshin 14-vjeçari Franko Nergjoni dhe 16-vjeçari Egil Moli, banorë të fshatit Bujqës.
Përplasja ka bërë që të dy adoleshentët të përfundojnë jashtë rruge, duke pësuar dëmtime. Të plagosurit janë transportuar menjëherë në repartin e kirurgjisë të Spitalit Rajonal të Elbasanit, ku po marrin trajtim mjekësor. Gjendja e tyre ende nuk dihet.
