Një aksident është shënuar në autostradën Durrës-Tiranë. Në vendin e quajtur Sukth, shtetasi M.N, duke drejtuar një kamion ka humbur kontrollin dhe për pasojë është përplasur me mbikalimin e këmbësorëve. Si pasojë e përplasjes është dëmtuar pasagjeri, shtetasi me inicialet H. D, i cili ndodhet në spital jashtë rrezikut për jetën. Ndërkaq, nga përplasja është shembur edhe mbikalimi i këmbësorëve, por pa shkaktuar dëme në automjete të tjera. Policia ka devijuar lëvizjen deri në pastrimin e plotë të rrugës. Aktualisht qarkullimi i automjeteve në autostradën Durrës-Tiranë-Durrës, vijon pa probleme.
Njoftimi i plotë:
Durrës/Informacion paraprak
Në orët e para të mëngjesit në autostradën Durrës-Tiranë, në vendin e quajtur Sukth, shtetasi M.N, duke drejtuar një kamion ka humbur kontrollin mbi drejtimin e kamionit dhe për pasojë kamioni dhe është përplasur me mbikalimin e këmbësorëve. Si pasojë e përplasjes është dëmtuar pasagjeri shtetasi H. D, i cili ndodhet në spital jashtë rrezikut për jetën.
Nga përplasja e kamionit me mbikalimin e këmbësorëve është shembur mbikalimi i këmbësorëve, pa shkaktuar dëmë në automjete të tjera. Shërbimet e Policisë, devijuan lëvizjen deri në pastrimin e plotë të rrugës. Aktualisht qarkullimi i automjeteve në autostradën Durrës-Tiranë-Durrës, vijon pa probleme. Grupi hetimor ndodhet në vendngjarje dhe po punon për sqarimin e rrethanave të aksidentit.
