Një aksident me pasojë vdekjen e një personi është regjistruar pasditen e sotme në aksin Shkodër-Velipojë.
Ngjarja ka ndodhur në fshatin Trush ku një motor është përplasur me një makinë.
Për pasojë ka gjetur vdekjen drejtuesi i motorit, një 23-vjeçar.
”Më datë 05.11.2020, ora 15:00, në aksin rrugor Shkodër Velipojë, në fshatin Trush , ka ndodhur një aksident rrugor, ku janë përplasur automjeti tip Benz, me drejtues shtetasin D. D. 30 vjeç banues në Lezhë, me motorrçikletën tip Suzuki me drejtues shtetasin Xh. M. 23 vjeç, banues në fshatin Trush, Shkodër, ku si pasojë e përplasjes ka ndërruar jetë”, informon policia.
Po kryhen me grup hetimor, për sqarimin e rrethanave të aksidentit.
Policia ndodhet në venngjarje dhe po punon për zbardhjen e rrethanave.
