Një trajler me targa të huaja ka dalë nga rruga dhe është përmbysur në aksin Burrel-Milot. Ngjarja ka ndodhur gjatë natës, në afërsi të urës së Ulzës.
Mësohet se shkak i këtij aksidenti është bërë parakalimi i një automjet me targa zvicerane, duke bërë që shoferi i trajlerit të dalë nga rruga.
Sakaq, në momentin e përplasjes shoferi është hedhur nga mjeti dhe ka marrë vetëm disa dëmtime të lehta, ndërsa tashmë po jep dëshminë e tij në polici.
Trajleri që transportonte bazë materiale, ishte nisur nga Shkupi ndërsa kishte si destinacion Tiranën.
Ndërkohë, policia në vendngjarje vijon hetimet për zbardhjen e plotë të shkaqeve të aksidentit.
