Mbrëmjen e sotme ka ndodhur një aksident i rëndë në aksin rrugor Gjirokastër-Tepelenë, ndërsa ka humbur jetën një person.
Mësohet se aksidenti ka ndodhur në hyrje të Tepelenës dhe viktima është Behar Malka.
“Dy automjete, një mjet tip “Benz” dhe një mjet tip “Audi”, u përplasën me njëra-tjetrën dhe si pasojë mbeti i lënduar njëri prej drejtuesve të mjeteve, i cili më pas humbi jetën në spital”, njofton policia.
Aksidenti ka shkaktuar edhe trafik, ndërsa grupi hetimor ka shkuar në vendngjarje dhe po heton për shkaqet e aksidentit.
