Një aksident rrugor është shënuar ditën e sotme në aksin rrugor Peqin-Elbasan, në fshatin Gjocaj.
Sipas informacioneve paraprake, dy automjete janë përplasur në kryqëzimin e ‘Gjocajt’ dhe për pasojë një person ka humbur jetën, ndërsa dy të tjerë kanë mbetur të plagosur, të cilët ndodhen në gjendje të rëndë shëndetësore.
Mësohet se të plagosur janë Ismail Hoxhallari dhe Gëzim Braho nga Korça.
Të aksidentuarit janë dërguar me urgjencë në spitalin e Peqinit, ndërsa policia ka shkuar në vendngjarje dhe ka nisur hetimet për të zbardhur shkaqet e aksidentit.
