Një aksident i rëndë ka ndodhur pasditen e sotme në Shijak ku për pasojë ka humbur jetën një person dhe është plagosur një tjetër. Raportohet se ngjarja ka ndodhur në zonën e Hardhishtës, ku dy makina janë përplasur me njëra-tjetrën.
Drejtuesi i njërit nga mjetet, Q.Tuta ka mbetur i vdekur në vend, ndërsa drejtuesi i automjetit tjetër, identiteti i të cilit ende nuk është bërë i ditur, është dërguar menjëherë në spital, ku ndodhet në gjendje kritike për jetën. Aktualisht policia po punon për zbardhjen e plotë të ngjarjes.
