Aksident i frikshëm, austriaku thyen qafën gjatë garës (Video)

Një aksident i frikshëm i ka ndodhur sportistit austriak, Markus Schairer, i cili garonte në çerekfinalen e “Cross Snowboard” në Lojërat Olimpike Dimërore. Ai ka humbur ekuilibrin gjatë kohës që ishte në ajër dhe ra shumë keq në dëborë, duke thyer një kockë në qafë. Pavarësisht kësaj, siç raportojnë mediat e huaja, Schairer u ngrit dhe arriti të përfundonte garën.

Schairer u kontrollua nga ekipi mjekësor pas garës dhe thuhet se u nis me shpejtësi në spital pasi u ankua për dhimbje të forta në gjoks. Pretendohet se ai pritet të kthehet në Austri në mënyrë të menjëhershme për të marrë trajtim të mëtejshëm.