Merkato në Itali është mbyllur para disa ditësh, por vetëm në hyrje, pasi klubet italiane mund të shesin lojtarë deri më 31 gusht. Dhe për këtë arsye aksi Romë-Madrid nuk është mbyllur akoma, pasi ka pasur zhvillime të reja mjaft interesante. Bëhet fjalë për yllin serb, Sergej Milinkovic-Savic, i cili është i lidhur me një kalim tek gjigantët e Real Madrid.
Ai që i ka ndezur edhe më shumë këto zëra ka qenë vetë zëdhënësi i Lacios, Arturo Diaconale i cili nuk e përjashton 100% transferimin e Serbit. “E përjashtoj në 99 %, sepse ofertat e deritashme janë refuzuar nga presidenti”, deklaroi ai për “Radio TV”. Por, dyert e largimit nuk janë plotësisht të mbyllura”, theksoi Diaconale.
Por kujtojmë që Igli Tare në një intervistë pak ditë më parë u shpreh se asnjëherë nuk erdhi oferta e kërkuar për Milinkovic dhe kjo ishte arsyeja që ai nuk u largua. Lotito kërkon të përfitojë plot 120 milionë euro nga ky transferim dhe në rast se Real Madrid do të mbeti ‘duarbosh’ edhe pak ditë mund të jetë i gatshëm të bëjë një investim të tillë për serbin.
