Akset rrugore drejt zonave turistike janë ndeshur më një fluks të shtuar të mjeteve. Përgjatë gjithë ditës ka pasur probleme me trafikun në disa akse. Deri tani vazhdon akoma i pandryshuar fluksi i mjeteve në aksin rrugor Himarë -Vlorë, në qytetin e Vlorës, Rradhimë – Vlorë.
Në aksin Levan – Fier ka ngarkese maksimale mjetesh.
Ngarkese në këto orë të mbrëmjes ka hyrja në Durrës te Shkëmbi i Kavajes dhe autostrada Durrës-Tiranë.
Shume trafik të dendur ka në akset Lezhe-Milot-Fushe Kruje.
Ngarkesë ka edhe Rruga e Kombit.
Në kushtet e qarkullimit natën dhe me trafik të dendur Policia Rrugore kërkon nga drejtuesit e mjeteve të moderojnë shpejtësinë dhe të qarkullojnë me kujdes të shtuar.
Shërbimet e Policisë janë përgjatë të gjithë këtyre akseve për të drejtuar trafikun dhe për të dhënë ndihmën e nevojshme.
Për shkelësit e Kodit Rrugor do të merren të gjitha masat administrative në proporcion me shkeljet.
