Deputeti i AKR-së, Korab Sejdiu ka mohuar çdo formë bashkëpunimi me koalicionin PAN.
Sejdiu shprehet se AKR nuk ka ndryshuar qëndrim dhe se nuk do ta votojë Haradinajn për kryeministër:
“Nuk ka diçka të re në këtë drejtim, herën e fundit që jemi takuar, ka qenë në nivel të koalicionit dhe të partisë dhe qëndrimi ynë është ai që ka qenë prej fillimit”.
Koalicioni LDK-AKR-Alternativa pjesë e të cilit është Sejdiu, ka marrë 25.79 për qind të votave, ndërsa Ramush Haradinaj, i cili kandidon për kryeministër, ka deklaruar se i ka numrat për ta formuar qeverinë e re, madje ka potencuar se ka vota edhe nga deputetë jashtë koalicionit PAN.
