Kina ka treguar fuqinë e saj, këtë të hënën në një shfaqje të madhe të forcave ajrore, raporton Daily Mail.
Në paradë dolën aeroplanët më të mëdhenj të vendit. Aeroplanë luftarakë J-20 të Forcave Ajrore të Ushtrisë Çlirimtare të Popullit (PLA) habitën botën.
Aeroplanët ranë në sy pasi ata ishin pajisur me 4 raketa në trup dhe nga një në dy anët. Raportimet e mediave në Kinë u përqendruan në 69 vjetorit të themelimit të forcës ajrore të vendit.
Ekspertët kinezë pretendojnë se demonstrata tregoi superioritetin e J-20, që janë aeroplanë më të mëdhenj se ata amerikanë F-22 dhe F-35.
Eksperti ushtarak kinez Song Zhongping tha se: “Katër raketat në trupin e J-20 ishin raketa ajrore me rreze të gjatë, ndërsa të dy në anët ishin raketa luftarake me rreze të shkurtër të destinuara për luftime ajrore”.
Më parë gjatë këtij viti, Song tha se:
“ J-20 do të përdoret në të ardhmen kundër rivalëve të cilët do guxonin të provokonin hapësirën ajrore kineze”. Zyrtarët ushtarakë gjithashtu thanë se J-20 do të vendoste balancën e pushtetit në rajon në favor të regjimit komunist.
Në një postim PLA shkruante: “Në të kaluarën, vetëm SHBA dhe aleatët e saj si Japonia ishin të aftë të armatosnin avionë luftarakë. Por tani, monopoli i tyre në këtë fushë është thyer nga J-20 i Kinës.”/ Përshtati: Tirana Today/
