Shumë pak kohë pas lindjes, shumë prej nënave të njohura të showbiz-it shqiptar nuk kanë vonuar të postojnë edhe fotot e para. Jo vetëm për të treguar që në një kohë të shurtër u janë rikthyer linjave para lindjes, por edhe si për të dhënë një sinjal. Ata në një kohë rekord, i janë rikthyer përditshmërisë, megjithëse fokusi kryesor tani është fëmija.
Gjatë pritjes së ëmbël, fotot e Ajolës në rrjet mund të numërohen me gishta. Me përjashtim të ditëve të fundit, kur ndau me miqtë virtualë pak foto nga seti i shtatzënisë së bashku me Erionin, në rastet e tjera, postimet vinin nga ndonjë event ku Ajola ishte e pranishme me kryetarin e bashkisë apo nga videoklipet që punoi muajt e fundit.
Dhe vetëm pak javë pas lindjes, nga Ajola vjen një postim sa i zakontë, aq edhe jo aq i tillë. Në fotot që juristja e njohur poston në llogarinë e saj, ka gjithmonë një ngjarje për të rrëfyer. Jo vetëm për shkak të shpirtit artistik, por edhe për të zbuluar më shumë për punën dhe pasionet e saj. Megjithatë, fotoja e sotme, vështirë të besohet që mund të jetë e ditëve të fundit nga bukuroshja e njohur. Sepse, nëse është vërtet kështu, të gjithë të tjerët kanë të drejtë ‘të çmenden’.
Vetëm tri javë pas lindjes, Ajola është rikthyer në formë të shkëlqyer fizike. Tani që po shijon me kohë të plotë mëmësinë, gjen kohë edhe për të shuar kureshtjen e fansave të saj, të cilët, sidomos me foton e fundit, kanë të drejtë të mbeten të habitur. Me linjat gati perfekte, Ajola ka postuar sot një foto me fustan të kuq me pika. E ëmbël, elegante dhe ëndërrimtare… Një nënë e re për t’u pasur zili. Nëse është foto e kohëve më parë, ngushëllohuni! Nëse jo, gjeni një mënyrë dhe fshihuni për disa kohë…
