Deputeti i LZHK-së, Dashamir Shehi, ka ftuar deputetët të votojnë për draftin për Vettingun në politikë, ndërsa ka hedhur akuza se në sallën e Kuvendit ka shumë njerëz që vjedhin. Sipas tij, mafia është ulur këmbëkryq.
“Në këtë sallë ka shumë njerëz që vjedhin. Në këtë sallë ka më shumë pasanikë se të varfër.. Këtu tek ne, mafia është ulur këmbëkryq .. Mos kini frikë! Kush është i ndershëm, nuk ka frikë fare!
Këtu jeni 5 vjet e gjysmë, tuajat i kishit gjykatat. Policët pse nuk arrestuan ndonjë, nëse do kishit zbuluar korrupsionin?
Edhe ato që keni zgjedhur në KLP, ne e dimë që janë me ju. Por kjo nuk do të thotë që janë automatikisht hajdutë…
Ne jemi popull i vogël, dhe e dimë sa i vlen lëkura secilit.
Po e mbyll me një thënie; asnjë nuk është aq i pasur sa të blejë të kaluarën e vet. Ai që vjen nga llumi, në llum do të shkojë. Kanë hyrë e kanë dalë shumë nga këtu, para mund të kenë, por fytyrë s’kanë më”.
