Ish-sulmuesi 38-vjeçar Miljan Mrdakoviç, u gjet pa jetë në apartamentin e tij, teksa i kishte dhënë fund jetës me një plumb në kokë. Ish-futbollisti serb kishte një CV të pasur, teksa në të kaluarën ishte aktivizuar me klube elitare si Gent dhe Anderleht, Makabi Tel Aviv, etj.
Partnerja e të ndjerit, duket se ka hedhur dritë mbi këtë ngjarje të rëndë. Së fundmi, në një prononcim për mediat vendase, partnerja e Mrdakoviçit, Ivana Staniç, zbuloi se 38-vjeçari vuante nga depresioni dhe kohët e fundit konsumonte shumë alkool.
“Miljan dhe unë nuk kishim asnjë problem, çdo gjë shkonte mirë mes nesh. Por ai kishte probleme të tjera. Vuante nga depresioni dhe ankthi, prandaj u detyrua të konsumonte shumë alkool. Mendoj se kjo ka qenë dhe arsyeja pse mund ta këtë bërë këtë gjë”, u shpreh Staniç.
