Kryetari i BDI-së, Ali Ahmeti, ka dalë në një konferencë për mediat, ku ka njoftuar edhe ministritë që do të marrë në qeverinë e re të Maqedonisë së Veriut.
Ai tha se BDI do të jetë në krye të Ministrisë së Financave, Ministrisë së Punëve të Jashtme, Ministrisë për Shoqëri Informatike dhe Administratë, Ministrisë së Ekonomisë dhe Ministrisë së Ekologjisë.
Ahmeti deklaroi se zv/kryeministri i parë do të jetë Artan Grubi, në krye të Ministrisë së Financave do të jetë Fatmir Besimi, Bujar Osmani në krye të MPJ-së, Kreshnik Bekteshi në Ministrinë e Ekonomisë, Naser Nuredini në Ekologji. Ndërsa nuk dihet ende se kush do të jetë në krye të Ministrisë së Shoqërisë Informatike.
Pra, Bashkimi Demokratik për Integrim në qeverinë e re do të udhëheqë me 6 ministri.
