Kryeqyteti ukrainas pati një natë “të qetë” të dielën, tha sot Këshilli Bashkiak i Kievit – por autoritetet paralajmëruan banorët të qëndrojnë në shtëpi ndërsa luftimet vazhdojnë.
“Në përgjithësi, nata e kaluar ishte e qetë, duke përjashtuar disa përleshje me grupet e diversantit dhe zbulimit. Megjithatë, qyteti ishte kryesisht i zënë me përgatitjet për mbrojtjen e tij. Pra, nëse do të shkoni në qytet pas orës 8:00, ju do të shikoni fortifikime, kurthe tankesh dhe struktura të tjera mbrojtëse që janë shfaqur në rrugët e Kievit”, tha Këshilli në një deklaratë.
Dyqanet ushqimore dhe transporti publik në Kiev do të jenë të hapura nga ora 08:00 e mëngjesit me orën lokale, megjithëse trenat e metrosë do të lëvizin më rrallë se zakonisht.
“Ju lutemi, mos dilni nga shtëpitë tuaja nëse nuk keni nevojë urgjente”, siç është blerja e sendeve ushqimore ose ilaçeve, thuhet në deklaratë, duke shtuar se “përleshjet në rrugë vazhdojnë të ndodhin në rrugët e çdo lagjeje të qytetit”.
“Ne ju nxisim që të bashkoni forcat dhe të ndihmoni njëri-tjetrin: pyesni fqinjët nëse kanë nevojë për ndihmë, veçanërisht kur bëhet fjalë për të moshuarit ose familjet, të afërmit e të cilëve po mbrojnë Ukrainën. Kujdesuni për banesat e fqinjëve që janë larguar nga qyteti për të parandaluar plaçkitjen”, tha Këshilli Bashkiak i Kievit.
Burimi i lajmit: CNN. Përshtatur nga Tirana Today
