Disa persona kanë sulmuar mbrëmjen e djeshme një punonjës të Aeroportit Ndërkombëtar të Prishtinës “Adem Jashari”, teksa ishte në krye të detyrës. Përplasja mes qytetarëve dhe punonjësit ka nisur pas lajmërimit se fluturimet ishin anuluar. Ende nuk bëhen të ditur identitetet e personave që u përfshinë në konflikt.
Zëdhënësja e ANP-së, Valentina Gara, njofton se do të ndiqen të gjitha rrugët ligjore për këtë rast dhe jo vetëm.
“Puna dhe përkushtimi i po këtyre punonjëse është ajo që rendit aeroportin tonë ndër aeroportet më të mira të rajonit.
Kompania jonë do të ndjek të gjitha rrugët ligjore ndaj këtij sulmi, dhe ndaj çdo rasti tjetër kundër punonjësve tanë, të cilët janë aseti më i vlefshëm i kompanisë sonë”, ka thënë Gara.
