Dëmtimi në Maqedoni rezulton fatal për kapitenin e Kombëtares shqiptare, Ansi Agolli. Mbrojtësi i Karabakut në kampionatin azerbajxhanas nuk do të debutojë dot në ndeshjen e parë të Champions-it kundër Çelsit.
Agolli po vuan nga një tërheqje muskulore dhe koha e rikuperimit të tij është 2 deri në 3 javë. Diçka që konfirmon mungesën e tij në Angli kundër skuadrës së Antonio Kontes. Kjo është hera e parë që ekipi i Karabakut do të luajë në Ligën e Kampionëve, pasi arriti të bënte eliminatore të shkëlqyera dhe siguroi pjesëmarrjen në fazën e grupeve.
Në këtë mënyrë, mbrojtësi kuqezi do të bënte realitet ëndrrën e tij për të luajtur në kompeticion madhështor. Pas Europianit me Kombëtaren dhe Europa Ligës, tani Agolli do të luajë edhe në Champions, por për debutimin duhet të presë të paktën 2- 3 javë që të kalojë dëmtimin që pësoi në ndeshjen e luajtur në Strumicë dhe u detyrua të linte fushën e lojës.
