Në të gjithë botën rreth 1 miliardë myslimanë me datën 27 maj do të nisin edhe agjërimin për muajin e shenjtë të Ramazanit.
Në të njëjtën kohë fillon edhe fushata zgjedhjeve parlamentare që pas marrëveshjes së PS-së dhe PD-së do të mbahen më 25 qershor në Shqipëri.
Por data 25 qershor është feste zyrtare, dita e parë e Fiter Bajramit (Dita e Bajramit të Madh).
Besimtarët myslimanë do të agjërojnë në 30 ditët që do të jetë fushata elektorale në Shqipëri.
Në këtë periudhë politikanët dinë të jenë të papërmbajtshëm dhe largohen nga ato çfarë predikon muaji i shenjtë të Ramazanit. Në mitingje kanë gjuhë urrejtje për kundërshtarin duke përdorur fjalët më të ndyra. Si do të sillen besimtarët mysliman në mitingjet ku predikohet urrejtje, sharje, ofendime etj. Por shumë ndryshe sillen politikanët në vizitat tek familjet e varfra.
Sipas fesë islame, çdo besimtar mysliman, është i detyruar të agjërojë për 30 ditë me radhë, në shenjë solidariteti me të varfrit, si dhe të ndajë ushqimin gjatë këtij muaji me nevojtarët.
Sigurisht që të njëjtën gjë bëjnë dhe politikanët me të varfrit por vetëm në dukje sepse janë me vite dritë larg asaj që predikon feja myslimane.
Politikanët ndihmojnë të varfrit për interesa të tyre për pushtet. Nisur nga ajo që kanë treguar nga fushatat e mëparshme elektorale ata kanë shpërndarë para, thasë me miell ndihma dhe gjithçka tjetër vetëm që tu marrin atyre votën.
