Ish-ministri i Mjedisit, Lefter Koka, është transferuar në paraburgimin e Durrësit prej disa ditësh. I arrestuar 4 muaj më parë, ish ministri Lefter Koka do të merret në pyetje nesër për herë të parë për inceneratorin e Fierit dhe Elbasanit.
Prokurorët që do e marrin në pyetje janë Vladimir Mara dhe Dritan Prençi. Marrja në pyetje pritet të zhvillohet në orën 10:00 në ambientet e paraburgimit të Durrësit. Koka mbahej në paraburgimin e ‘313’-s, por tashmë është transferuar në Durrës.
Gjykata e Posaçme e Apelit vendosi ndaj Kokës “arrest me burg”, ndërsa ish-ministri bëri rekurs në Gjykatën e Lartë për ndryshimin e kësaj mase sigurie, në datën 7 mars. Por GJL, nuk e pranoi kërkesën e tij, duke e cilësuar si të ligjshëm vendimin e Apelit të GJKKO.
