Pasagjerët në një fluturim të Qatar Airlines për në Brazil u tronditën, kur aeroplanit iu desh të devijonte për të shmangur një balonë që kishte rënë në rrugën e tij të fluturimit. Boeing 777-300, i cili mund të transportojë më shumë se 300 pasagjerë, duhej të shmangte balonën pa pilot në afrimin e tij përfundimtar në São Paulo.
Avioni, i cili ishte nisur nga Doha dhe po përgatitej të zbriste në aeroportin Guarulhos më 3 korrik, duhej të bënte një ‘manovër evazive’ por u ul i sigurt. Pasagjerët ishin në gjendje të regjistronin incidentin, duke treguar se sa afër ishte avioni për të goditur balonën. Një banor vendas, Rafael Freitas arriti të kapte një foto të balonës teksa i afrohej rrezikshëm aeroplanit.
“Boeing 777 erdhi paksa i gabuar me pistën për të shmangur balonën. Kur kaloi, korrigjoi shtrirjen me një kurbë”, tha Freitas për mediat lokale.
Qatar Airlines i tha Doha News se “është në dijeni të një ngjarjeje në lidhje me një prej avionëve të saj që përfshin një balonë pa pilot përpara se të ulej në São Paulo të dielën më 3 korrik”.
Ata shtuan: “Fluturimi u ul normalisht dhe kufijtë e sigurisë u ruajtën gjatë gjithë kohës. Kapiteni paraqiti një raport pas fluturimit, i cili tani po hetohet nga autoritetet braziliane”.
Imazhet e balonës tregojnë se ai ishte pa pilot, dhe ishte duke mbështetur një baner reklamues. Një burim thuhet se i tha Doha News se balona po përdorej si pjesë e festivalit lokal Festas Juninas – një muaj festash tradicionale.
Burimi i lajmit: dailymail. Përshtatur nga Tirana Today
