Ndërsa i gjithë opinioni është mbarsur me dilemat nesë prokurorja e re e Krimeve të Rënda, Donika Prela do të arrestojë ose jo Adriatik Llallën, ky i fundit ka gjetur formën për ti shpëtuar prangave. CNA.al ka mësuar se Adriatik Llalla mbahet i shtruar në një klinikë mjekësore në Gjermani, pasi prej kohësh dihej se ai vuante nga një sëmundje kronike.
Nga ana tjetër avokati i tij deklaron se Adriatik Llalla nuk është zyrtarisht nën hetim . Zyrtarisht ndaj tij nuk ka një atribuim për veprat penale. Aktualisht ndaj tij ka hetime nga prokuroria e Krimeve të Rënda.
Veprimet proceduriale kanë nisur nga prokuroria e Durrësit pas kallëzimit të bërë muaj më parë nga Komisioni i Pavarur i Verifikimit.
Por zyrtarisht emri i Adriatik Llallës nuk figuron i shënuar në regjistrin e veprave penale. Veprat për të cilat ai dyshohet po hetohen dhe prokurorja ka nisur edhe disa letër porosi.
Kjo konfimohet edhe nga avokati i tij ligjor Sokol Hazizi.
Ajo që e bën më interesante këtë çështje të emetuar më shumë nga politika se nga drejtësia, është fakti se prokurorja e cila u emërua në krye të Krimeve të Rënda, është e njëjta e cila hapi hetimet ndaj Adriatik Llallës, dhe me sa luhet lë të nënkuptohet, se dosjen e tij e ka marrë me vete.
Nëse do të këtë një dosje Llalla ajo do të hetohet dhe shqyrtohet nga prokurorja dhe gjykata e Krimeve të Rënda.
