Napoli është duke zhvilluar një sezon mjaft pozitiv, pavarësisht se është i dyti në Serie A dhe jashtë Championsit. Ata janë në garë për Europa League. Vendi i dytë në kampionatin italian mund të quhet pozitiv, duke parë forcën e madhe të Juventusit që momentalisht është i pakonkurrueshëm.
Trajneri u napolitanëve, Carlo Anclotti është i qartë për formulën që do të ndjekë për të qenë të suksesshëm dhe këtë e identifikon mjaft mirë me Atletico Madridin: “Do të më pëlqente një Napoli në versionin Atletico Madrid: të bëjnë të luash keq, janë shumë të organizuar, agresivë: një futboll që më pëlqen”.
Me kampionatin praktikisht të pamundur për shkak të supremacisë bardhezi, ndoshta të fitojë Europa League është objektivi i vetëm, që rrjedh si një përgjegjësi e lindur nga fakti që Napoli në vitet e fundit ka shkuar shumë pranë fitores. Por më parë, presidenti duhet të respektojë një kusht, që Ancelotti e tregon si kuriozitet: “Në kontratën me presidentin De Laurentiis, më ka premtuar një dhuratë: duhet të më organizojë një takim me Robert De Niro”.
