Një tjetër akuzë vjen ndaj mësuesit i cili ka abuzuar seksualisht me nxënësen e tij të mitur. Rasti në fjalë është përcjellë në emisionin “Me zemër të hapur” në “News24”, ku prindërit e 11-vjeçares thonë se vajza është mbyllur brenda, dhe se nuk pranon të kthehet në shkollë.
Një prind nga Gjirokastra, që e njihte mësuesin Myzo Dida, 63-vjeç, e akuzoi në një lidhje telefonike, se ka abuzuar me një tjetër ish-nxënëse të tij që sot ka krijuar familje dhe ndodhet në Vlorë. Ai ka kërkuar publikisht që edhe ky rast të hetohet.
“Flas nga Gjirokastra, jam fqinj me atë familjen. Ai mësues i ka dhënë mësim dhe djalit tim. Djali im më ka treguar për një vajzë tjetër që sot është e martuar dhe ndodhet në Vlorë. Dhe ajo është abuzuar. Nxirreni këtë çështje. Mund të hulumtoni. Ai maskarai ka abuzuar me të”, tha ai.
Familja Muçodemi është e shkatërruar totalisht pas asaj që i ndodhi vajzës së tyre, e ndërsa gjykata ka nxjerrë nga burgu mësuesin. Nëna e vajzës ka shkuar edhe më tej, se po kërcënohen, pasi jashtë shtëpisë së tyre është qëlluar me armë.
