Së fundmi është dhënë masa e sigurisë për 65-vjeçarin Abaz Doku i cili abuzoi seksualisht me një 15-vjeçare.
Raportohet se prokurori Armand Gurkuqi ka kërkuar arrest me burg për Dokun ndërkohë e njëjta masë është kërkuar edhe për tre të rinjtë.
Masa do të zhvillohet pranë Gjykatës Penale të Tiranës.
Policia dhe Prokuroria u vunë në lëvizje nga kallëzimi i familjareve të vajzës pasi në rrjetet sociale të rinjtë kanë publikuar pamje nga akti.
Kujtojmë se 65-vjeçari, i cili ka qenë roje në tre shkolla të ndryshme në zonën e Babrrusë dhe Paskuqanit, është arrestuar në akuzën e “dhunës seksuale me të mitur” dhe bashkë me të janë arrestuar edhe 3 persona të tjerë.
Ngjarja e rëndë ka ndodhur në shtëpinë e vëllait të Abaz Dokut, i cili ndodhej jashtë shtetit, çelësat e të cilës i mbante 65-vjeçari, shkruan “abcnews.al”.
Ai e ka dërguar vajzën atje duke abuzuar me të, ndërkohë që gjithçka e ka filmuar në telefon, pamje të cilat ia ka dhënë edhe tre të rinjve të tjerë të zonës.
Doku ka mohuar të ketë abuzuar me vajzën e mitur dhe ka deklaruar se e ka prekur atë vetëm në pjesët intime, me dëshirën e saj.
