Kontrolli i Lartë i Shtetit ka konstatuar mangësi gjatë një auditimi të zhvilluar pranë UKT. Ka rezultuar se faturat e vitit 2016 të gjeneruara nga sistemi Al Billing kishin numra serialë që nuk ishin autorizuar sipas procedurës nga ana e Tatimeve. Mbi 2.6 milionë fatura me numra serialë nuk janë certifikuar nga administrata tatimore ashtu sikurse kërkohet nga kuadri ligjor. Në këto fatura janë mbledhur edhe taksa të tjera për të cilat ky subjekt është zgjedhur si agjent tatimor.
Konstatimet e KLSH
Gjetjet e kontrollit të rregullshmërisë Kontrolli i Lartë i Shtetit lidhur me sistemin Al Billing i ka përmbledhur në tre pika.
- UKT nëpërmjet aplikacionit Billing ka gjeneruar 2 670 281 fatura (transaksione ) me numrave seriale të pa certifikuar nga Autoriteti Tatimor, në kundërshtim me ligjet tatimore. Në këto fatura është aplikuar edhe mbajtja e taksave të tjera të cilat UKT mbledh.
- UKT nuk ka bërë kërkesën pranë Drejtorisë se Tatimpaguesve te Mëdhenj për miratimin dhe tërheqjen e diapazonit të numrave seriale.
- Drejtorisë se Tatimpaguesve të Mëdhenj e cila është venë në dijeni për miratimin e kësaj fature kompjuterike tatimore me shkresën nr 6613/1 date 07.03.2016 nuk rezulton të ketë kryer asnjë kontroll për të detyruar UKT të zbatojë ligjet tatimore. (Trajtuar më hollësisht në faqet nr. 38-39 të Raportit të Auditimit), shkruan Monitor.
Pas kësaj Kontrolli i Lartë i shtetit ka rekomanduar që UKT të bëjë kërkesë pranë Drejtorisë së Tatimpaguesve të Mëdhenj për miratimin e diapazonit të numrave seriale, gjenerimit të faturave tatimore kompjuterike të shitjes nga UKT vetëm me numrat e miratuar nga organet tatimore.
