Britania e Madhe mund të veprojë si një garantues për respektimin e kushteve të çdo marrëveshjeje paqeje midis Ukrainës dhe Rusisë, la të kuptuar ministri i Forcave të Armatosura.
James Heappey është pyetur në BBC nëse Mbretëria e Bashkuar do të konsideronte apo jo ofertën për të vepruar, për të mbrojtur Ukrainën në rast të ndonjë aksioni të ardhshëm ushtarak rus, nëse Ukraina pranonte kërkesën e Rusisë që t’i nënshtrohej një procesi çarmatimi.
Çarmatimi është një nga disa kërkesa të parashtruara nga presidenti Putin në një thirrje drejtuar udhëheqësve turq dje.
“Unë nuk mendoj se asgjë është jashtë tryezës për sa i përket asaj që Mbretëria e Bashkuar dhe aleatët tanë do të ishin të gatshëm të bënin, për të lehtësuar një marrëveshje paqeje dhe çfarë roli mund të luajmë në garantimin e asaj marrëveshje paqeje në të ardhmen”.
Ai shton se është thelbësore që qeveria ruse së pari të ndalojë së qeni “luftëtar” në mënyrë që një marrëveshje paqeje të mund të arrihet në të vërtetë nga të dy vendet.
Burimi i lajmit: BBC. Përshtatur nga Tirana Today
