Ish-ministri i Jashtëm Ditmir Bushati është kthyer në bazë, aty ku është zgjedhur deputet, pikërisht në Shkodër.
Ai takoi sot strukturat e Partisë Socialiste në Shkodër, si dhe foli për mediat lidhur me zgjedhjet lokale.
Bushati u pyet nëse do të jetë kandidat për kryetar të Bashkisë së Shkodrës. “Nuk kam asnjë ambicie lokale. Jemi në proces konsultimi për të përzgjedhur kandidatin”, u përgjigj ai duke lënë të hapur mundësinë e një kandidimi për kryebashkiak.
Deputeti socialist tha se PS po bën sondazhe me opinionin publik për të zgjedhur një kandidat fitues por dhe një grup këshilltarësh të mirë për bashkinë.
