Ka përfunduar konferenca për shtyp, e thirrur nga kryeministri Rama pas refuzimit të negociatave për Shqipërinë nga Këshilli Evropian.
Gjatë konferencës, Rama hodhi poshtë idenë e zhvillimit të zgjedhjeve të parakohshme, duke u shprehur që as që bëhet fjalë. Sipas kryeministrit, ai ka shumë punë për të bërë dhe se nuk do të kënaqë kërkesat e opozitës, që sipas tij nuk kanë asnjë punë për të bërë.
“Votë besimit për të plotësuar një nga pikat apo për të kënaqur ata…?! Ne kemi absolutisht shumë gjëra për të bërë dhe nuk kemi asnjë kohë për të humbur. Kemi plot punë për të bërë, nuk behet fjalë për të kënaqur askënd që nuk ka punë për të bërë apo s’di çfarë pune të bëjë”, deklaroi kreu i qeverisë.
