Në prag të zgjedhjeve vendore, e kur gjithë vëmendja është e përqëndruar në rikandidimin e mundshëm të kryebashkiakut Veliaj për Bashkinë e Tiranës, kryeministri Rama ka folur për një mandat tjetër të tij.
I bindur se PS do të fitojë Bashkinë e Tiranës në zgjedhjet e 30 qershorit, Rama tha se Kampusi Universitar do të përfundojë brenda mandatit tjetër të kryetarit të Bashkisë.
“Brenda këtij mandati, të gjitha konviktet do të jenë në situatë katërcipërisht ndryshe. Dhe ndërkohë, bashkë me Bashkinë e Tiranës do të fillojmë ndërtimin e këtij Kampusi, dhe brenda mandatit tjetër të kryetarit të Bashkisë, ne do të përfundojmë Kampusin Universitar”, tha Rama.
