Franca ka dërguar 100 gjeneratorë në Rumani, për transport të mëtejshëm në Ukrainë, shkroi të martën ambasada franceze në Rumani. 100 gjeneratorët do t’i dorëzohen Ukrainës “shumë shpejt”, shkroi ambasada në Twitter.
Bashkimi Evropian ka dërguar 500 gjeneratorë në Ukrainë, nga 17 vende të BE-së, tha në Twitter Mbrojtja Civile dhe Ndihma Humanitare e BE-së, krahu humanitar i bllokut.
Këta variojnë nga gjeneratorët e vegjël të përshtatshëm për drejtimin e familjeve të vogla, deri tek ato shumë më të fuqishme me kapacitete më të larta.
Dorëzimi i Francës është pjesë e këtyre 500 njësive, konfirmoi ministria për CNN dhe ndjek 85 gjeneratorë të tillë që Franca i ka dërguar tashmë në Ukrainë dhe Moldavi.
“Duke pasur parasysh nevojat e mëdha për energji në Ukrainë, nevojiten shumë më tepër pajisje”, tha Mbrojtja Civile dhe Ndihma Humanitare e BE-së në Twitter.
Miliona ukrainas kanë mbetur me akses të reduktuar në ngrohje dhe energji këtë dimër, pas një breshërie të fundit të sulmeve ruse, që synojnë infrastrukturën kritike të energjisë.
Burimi i lajmit: CNN. Përshtatur nga Tirana Today
