Reperi i njohur Don Xhoni është gjobitur me dy mijë euro për “armëmbajtje pa leje”. Gjatë seancës së mbajtur të premten, ai është shpallur fajtor nga prokurori Hivzi Bajraktari.
“Ndihem shumë i penduar dhe shpresoj të mos ndodhë më kurrë”, është shprehur Don Xhoni.
Prokuroria Themelore në Prishtinë, në gusht të 2022-ës ka ngritur aktakuzë kundër Xhonatan Isufit, të cilin e ngarkonte me veprën penale “Mbajtja në pronësi, kontroll ose posedim të paautorizuar të armëve”.
Sipas aktakuzës, Isufi në kundërshtim me ligjin e zbatueshëm lidhur me armët, ka mbajtur në pronësi pistoletën e tipit “Cervena zastava” me një karikator dhe gjashtë fishekë të kalibirit 7,65 mm.
