Avioni që mbante arkivolin e Mbretëreshës Elizabeth II, ka thyer rekorde duke u bërë fluturimi më i ndjekur ndonjëherë.
Sipas faqes së internetit të gjurmuesit të aviacionit Flightradar24, rreth pesë milionë njerëz ndoqën në internet ndërsa mbretëresha e ndjerë u transportua nga Edinburgu në Londër më 13 shtator.
Ky numër rrjedh nga dy burime – 4.79 milionë njerëz që ndoqën udhëtimin e fluturimit në faqen e internetit dhe aplikacionin celular të Flightradar24, plus 296.000 të tjerë që gjurmuan aeroplanin në YouTube.
Kjo thyen rekordin e mëparshëm, të arritur vetëm muajin e kaluar gjatë vizitës së diskutueshme të kryetares së Dhomës së Përfaqësuesve të SHBA, Nancy Pelosi në Tajvan. Udhëtimi i avionit të saj për në Taipei u gjurmua nga rreth 2.9 milionë njerëz.
Avioni i Forcave Ajrore Mbretërore që mbante Mbretëreshën, kaloi 1 orë e 12 minuta në fluturim. Ai u ul në RAF Northolt, një stacion ushtarak rreth gjashtë milje nga aeroporti Heathrow në Londër.
Flightradar24 është një nga disa mjete gjithnjë e më të njohura të gjurmimit të avionëve. Faqja filloi në Suedi në 2006 dhe u bë e aksesueshme për publikun tre vjet më vonë.
Marrë me shkurtime nga CNN. Përshtatur nga Tirana Today
