Sezoni ri në “Goca dhe gra” do të vijë me ndryshime. Në vend të shkrimtares Rita Petro, do të shohim këtë sezon Jerina Lalaj. Jerina ishte sezonin e kaluar si opinioniste e “Love Story” krah Bleona Qeretit dhe Robert Aliaj me të cilin pati edhe një konflikt, ku dhe hoqi dorë nga programi. Rita Petro, me anë të një postimi në Facebook zbulon se ajo nuk mundi ta vijonte këtë rrugëtim, për shkak të angazhimeve të shumta.
“Largohem nga “Goca dhe Gra” me kokën mbrapa. Për shkak të angazhimeve të shumta, nuk munda të vazhdoj edhe këtë sezon të ri. Por ajo çka përjetova ish aq e bukur. Gjej rast të falënderoj drejtuesit e Top Channel, që besuan në fjalën time dhe që donin të vazhdoja përsëri; falënderoj gjithë ekipin e G&G, që bashkëpunuam aq bukur; Saimir Muzhakën, në veçanti.
Dhe ëmbëlsirat për në fund: Armina, Dalina, Fatma, ju dua shumë! Uroj me gjithë shpirt shumë suksese për sezonin e ri të G&G dhe vajzës tjetër, Jerina Lalaj, e cila jam e sigurt se do të sjellë një frymë të re. Goca dhe vetëm Goca do të jem fansja juaj më e zjarrtë…”.
