Boksieri shqiptar Florian Marku ka marrë fitoren e radhës, duke mundur me vendim unanim meksikanin Miguel Parra Ramirez.
Pas 10 raundeve shumë të luftuara, boksieri shqiptar ka konfirmuar formën e tij duke siguruar fitoren e radhës ndaj meksikanit, i cili në disa momente edhe e vuri në vështirësi Markun.
Florian Marku bëri që “Air Albania” të shpërthejë. Boksieri kuqezi ka mundur me vendim unanim te arbitrave meksikanin Miguel Parra, duke fituar për rrjedhojë titullin WBC, ndërsa është mbajtës edhe e IBF. Ndeshja mblodhi në “Air Albania” tifozë të shumtë të boksierit shqiptar, por të pranishëm kanë qenë edhe figura të showbizit, sportistë e politikanë.
Në mesin e VIP-ave që panë ndeshjen ishte babai i Dua Lipës, Dukagjin Lipa, së bashku me djalin e tij, reperi Noizy, si edhe kryebashkiaku Erion Veliaj, ministrja Evis Kushi, kreu i grupit parlamentar të PS, Taulant Balla, e ish-presidenti Bamir Topi.
