Drejtori i Zyrës së shtypit të PD-së Alfred Lela, ka deklaruar në emisionin “Log” në Abc se ndryshimi i emrit të LSI-së ishte gjetje pasi ka të bëjë shumë me marketingun politik. Lëvizja Socialiste për Integrim do të quhet “Partia e Lirisë” dhe se vendimi u mor në Konventën Kombëtare të kësaj force, ku u vendos ndryshimi i logos dhe shkrirjes së të gjitha forumeve. Partia do të drejtohet nga një Komitet Organizativ, në krye të të cilit do të jetë ish-kryetari dhe ish-Presidenti Ilir Meta. Alfred Lela tha se Meta kishte gjetur një mënyrë të duhur, për të justifikuar ardhjen e tij në LSI.
Pjesë nga biseda:
Lela: Në kuptimin e marketingut politik m’u duk gjetje kjo e “Partisë së Lirisë”. Simbolikë është, por edhe simbolika merr një peshë.
Xhafo: E kreu misionin tha Ilir Meta.
Lela: Gjeti një mënyrë për të justifikuar ardhjen. Ne të gjithë e kemi thënë se i rrinte ngushtë ai kostumi i Presidentit.
Xhafo: Po dëshira për një mandat të dytë si President.
Lela: E ka Kushtetuta që pas 25 vitesh.
