Kryeministri Ranil Wickremesinghe ka mbajtur një fjalim televiziv në të cilin tha se kishte urdhëruar ushtrinë të “bëjë gjithçka që është e nevojshme, për të rivendosur rendin”.
Ai u bëri thirrje protestuesve që kanë pushtuar zyrat e tij dhe ndërtesat e tjera shtetërore, që të largohen prej tyre dhe të bashkëpunojnë me autoritetet.
“Ne nuk mund ta shqyejmë Kushtetutën tonë. Nuk mund të lejojmë që fashistët të marrin pushtetin. Ne duhet t’i japim fund këtij kërcënimi fashist ndaj demokracisë”, shtoi ai.
Një korrespondent i BBC në Colombo thotë se deklarata e fundit e zotit Wickremesinghe mund të jetë një tregues se ushtria është gati të zbatojë sigurinë në kryeqytet.
Burimi i lajmit: BBC. Përshtatur nga Tirana Today
