Kreu i agjencisë së spiunazhit në Mbretërinë e Bashkuar, Sir Jeremy Fleming, ka paralajmëruar Kinën për rreziqet e të qënit në një linjë shumë të ngushtë me Rusinë.
Në një fjalim në Australi ai tha se interesat afatgjata të Kinës nuk shërbehen mirë nga një aleancë me një vend që injoron “rregullat e rrugës” ndërkombëtare.
Por ndërsa ai tha se Kremlini e sheh Kinën si një treg për naftën dhe gazin e saj dhe një mënyrë për të anashkaluar sanksionet, presidenti i Kinës Xi ka një pikëpamje tjetër të marrëdhënieve.
Kina nuk e ka dënuar pushtimin e Ukrainës dhe Sir Jeremy tha se me “një sy në rimarrjen e Tajvanit”, Xi nuk do të dëshironte të bënte asgjë që mund të kufizonte veprimet e tij në të ardhmen.
Ai mund të llogarisë se në fakt e ndihmon të kundërshtojë SHBA-në dhe Pekini po shfrytëzon rastin për të blerë hidrokarbure të lira ruse.
“Rusia e kupton se, në planin afatgjatë, Kina do të bëhet gjithnjë e më e fortë ushtarakisht dhe ekonomikisht. Disa nga konfliktet e tyre të interesit; Rusia mund të nxirret jashtë ekuacionit”, tha ai.
Burimi i lajmit: BBC. Përshtatur nga Tirana Today
