Pesë punonjëse të një ndërmarrje kanë përfunduar në spitalin e Durrësit, me simptoma helmimi. Ato kanë mbërritur në urgjencën e spitalit të Durrësit, ku po marrin trajtimin e nevojshëm, lidhur me gjendjen shëndetësore të tyre. Mjekët kanë konfirmuar se gjendja e tyre është nën kontroll, ndërkohë që do të jenë analizat toksikologjike që do të përcaktojnë shkakun e helmimit.
Gratë janë punonjëse të një ndërmarrje që ndodhet në superstradën Durrës -Tiranë. “Mesditën e sotme janë paraqitur në spitalin e Durrësit, shtetaset O. A., 41 vjeçe, A. R., 26 vjeçe, M. Xh., 30 vjeçe, A. Gj., 35 vjeçe dhe J. K., 38 vjeçe, të cilat dyshohet se janë helmuar në ambientet e punës, në një firmë në autostradën Durrës-Tiranë. Aktualisht ndodhen nën kujdesin e mjekëve, jashtë rrezikut për jetën”.
