Një zyrtar i lartë amerikan ka thënë se pretendimi i Moskës se po tërheq trupat nga kufiri me Ukrainën, është “i rremë”. Duke folur me gazetarët në Shtëpinë e Bardhë mbrëmjen e djeshme, zyrtari paralajmëroi se rreth 7.000 trupa të tjera ruse janë vendosur në rajonin kufitar në ditët e fundit, me ardhjet e reja që vazhdojnë deri të mërkurën.
Moska “mund të nisë një pretekst të rremë në çdo moment, për të justifikuar një pushtim të Ukrainës”, tha zyrtari i lartë i administratës Biden.
“Ky pretekst i rremë mund të marrë një sërë formash të ndryshme: një provokim në Donbas, një pretendim për aktivitetin e NATO-s në tokë, në det ose në ajër; një inkursion në territorin rus”.
“Ne nuk e dimë se çfarë forme do të marrë preteksti i rremë, por shpresojmë që bota të jetë gati”.
Burimi i lajmit: BBC. Përshtatur nga Tirana Today
