Shumë bujë bëri arrestimi i bashkëshortit të bukuroshes Angela Martini. Por në një kohë rekord, ai është lënë i lirë. Dragos Savulescu ra në prangat e policisë dy ditë më parë, pas një kohe të gjatë në arratisje.
Ai u arrestua në Mykonos bashkë me një tjetër person në ishullin e famshëm, ndërsa fotot e Angela Martinit ishin ato që dëshmuan se ku ata ndodheshin. Për kapjen e tij u përfshinë zyrtarët e Nën Drejtorisë së Policisë së Mykonos.
Biznesmeni 46-vjeçar nuk mund të largohet nga territori i shtetit grek, deri sa të gjykohet kërkesa e tij për ekstradim. Afati i fundit është lënë për në shtator, dhe deri atëherë do të duhet që të jetë në “arrest shtëpie”, nën monitorimin e policisë.
Ndaj tij kishte një urdhër ndërkombëtar arresti, pasi është dënuar me 5.5 vjet burg për përvetësimin e parave publike në Rumani. Ai dhe bashkëpunëtorë të tjerë u shpallën fajtorë për përvetësimin e një totali prej 114 milionë eurosh pasuri publike.
