Reagimet pas ndeshjes
Roberto Mancini, trajneri i Italisë: “Djemtë ishin fantastikë. Nuk kam fjalë për ta; ky është një ekip i mrekullueshëm. Kjo ndeshje do të ishte e vështirë në çdo rast, dhe pas golit të tyre që në minutën e dytë u bë edhe më shumë, por prej aty e tutje ne kemi dominuar. Të duhet pak fat tek penalltitë dhe më vjen keq për Anglinë sepse edhe ata bënë një turne të shkëlqyer “.
Gianluigi Donnarumma, portieri i Italisë: “Ne bëmë diçka të jashtëzakonshme. Jemi shumë të lumtur. Nuk u dhamë asnjë pëllëmbë. Të gjithë e dini nga e kemi filluar. Jemi një ekip fantastik dhe e meritojmë.”
Gareth Southgate, trajneri i Anglisë: “Jemi shumë të zhgënjyer. Mendoj se lojtarët patën meritë absolute; ata dhanë gjithçka që mundën. Sonte ishte saktësisht e njëjta gjë; lanë shpirtin në fushë”.
Harry Kane, kapiteni i Anglisë: “Djemtë nuk mund të kishin dhënë më shumë. Penalltitë janë ndjenja më e keqe në botë kur i humbet. Ishte një turne fantastik, duhet të jemi krenarë, kokën lart. Do të dhembë tani, do të dhembë për pak kohë”./Tirana Today