Komisioni i Pavarur i Kualifikimit ka shkarkuar nga detyra gjyqtaren Zegjine Sollaku, gruan e ish Prokurorit të Përgjithshëm, Theodhori Sollaku.
Gjyqtarja nuk mundi të kalojë kriteret e Vettingut. Ajo nuk justifikonte dot pasurinë, dhe kishte pasaktësi në deklarimin e saj.
Trupa gjykuese e KPK me në krye Xhensila Pinen, deklaroi se Sollaku nuk ka justifikuar dot 7 milionë lekë pasuri.
Zegjine Sollaku ka punuar si gjyqtare e Gjykatës së Tiranës në vitet 1992-2003. Prej vitit 2003, Sollaku e ushtron funksionin në Gjykatën e Apelit të Tiranës.
Në deklarimin për herë të parë në vitin 2003, gjyqtarja Zegjine Sollaku deklaronte pasuri familjare me vlerë 7.4 milionë lekë, ndërsa në fund të vitit 2017 pasuria familjare kap vlerën e 97.7 milionë lekëve.
