Singapori mund të bëhet vendi i parë në botë që do të ndalë raportimin e rasteve të reja me koronavirus. Në vendin e Azisë Juglindore, kjo shihet si një përpjekje për t’iu rikthyer normalitetit.
Në Singapor, janë regjistruar vetëm 36 viktima që nga fillimi i pandemisë duke zbatuar rregulla të forta për të frenuar shkallën e infeksionit dhe zyrtarët tani duan të heqin masa të tilla si raportimi i rasteve të reja çdo ditë, shkruan The Sun.
Propozimi është bërë nga tre anëtarët kryesorë të Komitetit për pandeminë në Singapor për t’u dhënë fund 18 muajve me kufizime të rrepta. Aktualisht, Singapori ka regjistruar 62,617 raste me koronavirus.
“Synimi është që t’i lëmë njerëzit të vazhdojnë me jetën e tyre duke hequr rregullat strikte dhe në vend të kësaj ta kontrollojmë virusin përmes mjeteve të tjera, të tilla si vaksinimi masiv. Në vend që të numërojmë rastet çdo ditë, ne do të përqendrohemi në rezultate”, thuhej në një deklaratë të përbashkët të 3 zyrtarëve.
Autoritetet shëndetësore në Singapor, kanë si synim që të vaksinojnë deri në muajin gushtm, të paktën 2/3 e popullsisë me njërën dozë të vaksinës kundër koroanvirusit.
