Kapsllëku është një problem që jo vetëm krijon shqetësime, por mund të jetë edhe një simptomë që mund të të vendosë në situata të sikletshme këdo në përdtishmërinë e tij. Shpesh kapsllëku është etiketuar si “çrregullimi urban”, për shkak se janë banorët e qytetit ata që rezultojnë më të prekur nga ky problem.
Dhe kjo i ka disa shkaqe – oraret e zgjatura të punës, mënyrës e ushqyerjes me ushqime të thata, jeta sendentare, etj. Megjithatë, sot ka metodat natyrore që janë shumë efektive në trajtimin e këtij problemi. Nëse ndiqen me përpikmëri këto probleme, atëherë kthimi në gjendje normale mund të ndodhë pa nevojën e medikamenteve.
Hapat që ndiqen
1-Sa më shumë lëngje
Rritja konsumimit të ujit dhe lëngjeve ndihmon rregullimin e lëvizshmërisë së zorrëve dhe lehtëson kapsllëkun. Pini të paktën 7-8 gota ujë në ditë. Në mëngjes esëll pini 1 gotë me ujë të vakët, 1 gotë dhallë ose 1 gotë me lëng frutash të freskët.
2-Tërshëra
Fillojeni mëngjesin gjithmonë me tërshërë. Ajo është e pasur me fibra që ndihmojnë në lehtësimin e kapsllëkut. Tërshëra ndihmon në ruajtjen e bilancit normal të fluideve në zorrë gjithashtu. Hani tërshërë me kos dhe fruta të thata ose të freskëta.
3-Lëng spinaqi:
Konsiderohet si një nga metodat më të mira për luftimin e kapsllëkut. Pini 100-150 ml lëng spinaqi 2-3 herë çdo ditë.
4- Hani fiq:
Fiqtë janë pemët më të pasura me fibra dietike dhe kalcium. Këto elemente e bëjnë fikun që të njihet nga mjekësia si “pastrues natyror”. Hani 4-5 fiq të thatë ose të freskët në mëngjes. Një mënyrë tjetër mjaft e përdorur është valimi i 7-8 fiqve të thatë dhe pirja e ujit të tyre esëll në mëngjes dhe në darkë para gjumit.
5- Farat e linit
Farat e linit janë të pasura me acide yndyrore dhe fibra. Shtoni 1-2 lugë fara lini në sallatë ose në kos dhe konsumojini çdo ditë. Farat e linit ndihmojnë në lëvizshmërinë e zorrëve dhe zbusin jashtëqitjen./ Tirana Today
