Prokurorët federalë gjermanë thanë të hënën se kishin arrestuar një shkencëtar rus, i cili akuzohet se ka dërguar informacione të ndjeshme nga një universitet gjerman në Moskë, në këmbim të një pagese.
Zyra e Prokurorit Publik Federal përmes një deklarate më 21 qershor tha se “i dyshuari kishte punuar për një shërbim sekret rus që nga fillimi i tetorit 2020”, shkruan Wio News.
Ilnur N. ishte i punësuar si asistent kërkimi për një departament të shkencave natyrore dhe teknologjisë në një universitet gjerman, mri i të cilit nuk u bë i ditur.
I dyshuari është takuar me një anëtar të një shërbimi sekret rus të paktën tre herë midis tetorit 2020 dhe qershorit 2021. Sipas prokurorëve, në këmbim të një pagese, ai ka dorëzuar informacione në të paktën dy prej këtyre takimeve.
Arrestimi i shtetasit rus, vjen në një kohë kur marrëdhënie midis Rusisë dhe Gjermanisë janë shumë të tensionuara.
