Përfundon ndeshja e grupit C, ku Spanja ka komplikuar kualifikimin, pasi Polonia i ka surprizuar, duke i rrëmbyer një pikë. Sfida u mbyll në barazim 1-1. Alvaro Morata zhbllokoi ndeshjen kundër Polonisë në minutën e 25.
Xherard Moreno goditi drejt portës dhe sulmuesi i Juventusit e dërgoi topin në rrjetë dy hapa larg portës. Goli u anulua fillimisht dhe më pas u konfirmua nga VAR.
Një shtyllë shpëtoi Spanjën në minutën e 43 të pjesës së parë. Një goditje e fuqishme e Sviderskit nga jashtë zone, u ndal nga shtylla. Topi shkoi në këmbët e Levandovskit, i cili ishte i vetëm përballë portierit, por nuk arriti të shënojë. Tifozët polakë nuk kanë mundur t’u besojnë syve.
Në minutën e 54, Polonia barazoi shifrat. Robert Levandovski ka shënoi me kokë për polakët. Ylli i Bajernit fitoi duelin ajror me Laporte dhe shënoi me kokë. Mbrojtësi i Spanjës protestoi për një faull, por VAR-i konfirmoi golin.
Tri minuta më vonë, Spanja fitoi një penallti. Te pika e bardhë u paraqit Moreno, goditja e të cilit përfundoi në shtyllë.
Topi shkoi te këmbët e Moratës, i cili e dërgoi jashtë me portën bosh.
Në ndeshjen e fundit, Spanja do të përballet me Sllovakinë.
